انسينى
فى البعاد . . الف آهة . . بتحضن . . ليل السكات . .
فى
البعاد . . ألف دمعة . . تصرخ . . تنطق آهات . .
و الحنين بين الضلوع . . ينده
على الحلم اللى . . مات . .
ساكتة ليه اتكلمى . . قولى ليه زمان الحب . . فات
؟؟! . .
قولى ليه اتخنق الحلم فينا . . فى ليل طويل . .
بعد ما فرح عينينا . . و نسينا كلمة . . مستحيل . .
قولى راح فين حلمنا . .
الهادى . . الجميل . .
يللى جوه قلبى ليكى . . شوق . . ما هو بقليل .
.
ردى على و بحنانك . . لملمينى . .
و بين الحنايا .
. جوة الضلوع . . جوة قلبك . . احضنينى . .
نسينى دمعتى . . ألمى . . شوقى . و
أنينى . .
ده أنت لى دنيتى . . نورى . . فى عتمة سنينى . .
ساكتة ليه اتكلمى . . و ليه دموعك . . بتواسينى . .
و لا خلاص
فراقنا انكتب . . و دى آخر حاجة . . تشوفها عينى . .
و لا ماليكى الأسى . . و
كواكى الشوق . . اللى كاوينى ؟؟!! . .
يا قلب عمره ما يتنسى . . عيشى بكره . .
و انسينى . . . . .
نــــــــــــــور
موضوع: انسيني 
الخميس 08 يوليو 2010, 4:46 pm
